Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

07.03.2017, 19:14

Протестен марш „За заедничка Македонија“: Немаме резервна татковина

Граѓанската иницијатива „За заедничка Македонија“ и попладнево одржа протестен марш во Скопје, на кој учесниците ги повторија своите барања дека се за заедничка Македонија и се против платформи направени во други држави.

Како во изминатите денови, маршот почна околу 17 часот пред Владата од каде поддржувачите на иницијативата се упатија пред Собранието и таму беа одржани говори.

Борис Дамовски од иницијативата „За заедничка Македонија“ рече дека го поздравуваат потегот на претседателот Ѓорге Иванов кој денеска испрати писмо до претседатели и институции низ светот во кое бара осуда и отфрлување на платформата од Тирана.

Пред учесниците се обрати Гордана Јовиќ која рече дека припаѓа на околу 31.000 луѓе од српската заедница во Македонија. На својот мајчин јазик рече дека „платформата не може да помине“ и ги повика своите сонародници да не заборават што се случувало во изминатите години, дека се припадници на ослободителен народ и дека коските на нивните предци во огромен број лежат на оваа земја и се вградени во нејзината слобода.

Шукрие Хусеин како претставник на ромската заедница рече дека е загрижена за својата татковина зашто, рече, нема друга резервна.

- Развојот на економијата и повеќе среќни луѓе треба да бидат теми, а не дали Македонија да биде двојазична. Јас сум една од вас, јас сум граѓанин на Република Македонија. Овде живеат различни граѓани, но слични се по тоа што ја сакаат Македонија. Македонскиот јазик е предност, не е мана што некој сака да ја искорени. Цело е кога има се, рече Хусеин.

На вечерашниот собир беше прочитан и статус на ракометарот Кире Лазаров, во кој вели дека ги почитува сите граѓани во Македонија, ја поддржува граѓанската иницијатива и повикува да се зачува интегритетот и идентитетот кој, како што вели, наследен е од предците со должност да се пренесе на идните поколенија.

Организаторите ги повикаа поддржувачите да се придружат и на утрешниот марш, кој ќе почне во исто време и на исто место.


Текстот е прочитан 845 пати.
#
„За заедничка Македонија“ пред штабовите на ВМРО-ДПМНЕ и СДСМ
ЕК: Отворањето на преговорите зависи од Европскиот совет, не од нас
Регионална конференција за Балканската бегалска рута
Пратениците се вратија во собраниските клупи
Потврда од Албанија: Платформата од Тирана е масло на Еди Рама
(КОЛУМНА)Латас: Порно
На нозе и Македонците во Швајцарија
И овој викенд, наместо протести музички хепенинзи
ЕУ нуди работа за молери и камионџии од Македонија
Преспа е совршен пример на победа за одржливиот развој

Електронско издание на Вест

Кликни за претплата

ФОТО ГАЛЕРИИ
Наместо транспаренти, цртежи и забава за поддршка на „Заедничка Македонија“ (Фото)
На денешниот музички хепенинг на Школка, во Градскиот парк во Скопје, орга...
ИЗЛОГ
Убавина
Пишува Лејла САБИТ - Вистинска. Лажна. Природна. Вештачка......

"Порше" има профит од 16 000 евра од секое возило
Германскиот производител на спортски автомобили, во просек, има профит од ...
"Ауди" во јули ќе го открие новиот "А8"
Четвртата генерација на суперлимузината на "Ауди" ќе биде претставена на 1...
"Фиат фулбек крос": пикап наменет за младата публика
"Фиат" на Саемот во Женева ја претстави крос-верзијата на својот пикап мод...

ОТВОРЕНО ЗА АУТИЗМОТ

 
    

Компири во сол
Приготвување: компирите истријте ги со остра четкичка, измијте ги добро и ...
Site Meter