Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

08.03.2017, 13:18

Две различни пријави во СВР Битола за инцидент во кој учествувал полицаец

Во СВР Битола вчера се добиени две пријави за ист случај од двајцата учесници во инцидентот кои имале различни верзии за настанот. Еден од нив е 42-годишниот битолчанец В.Б.- полицаец вработен во СВР Битола, а другиот е 47-годишен негов сограѓанин Д.С..

Првата пријава е од В.Б кој вчера во 13.30 часот во СВР Битола пријавил дека еден час претходно, во 12.30 часот, додека бил на пауза во работното време, со неговата сопруга М.Б. се движеле со возило „цитроен“ по ул. „Пеце Матичевски“ и биле пресретнати од патничко возило „дачиа дастер“ во кое бил Д.С..

Според В.Б., Д.С. застанал со возилото на пешачки премин пред возилото на В.Б., излегол, се упатил кон него и со висок тон го пцуел и му упатувал закани по животот. Полицаецот В.Б. излегол од возилото, се легитимирал и усно му наредил на Д.С. да престане со навредите. Д.С. го фатил В.Б. за вратот и почнал да го дави, а потоа го турнал во возилото и повторно му упатил закани по животот. Притоа се обидел и да му го одземе службениот пиштол но не успеал.

Во меѓувреме, како што соопшти МВР, сопругата на В.Б. се јавила кај друг полицаец, кој заедно со уште еден полициски службеник дошле на местото на настанот. Не успеале да му наредат на Д.С. да прекине со нападот, па се обиделе да го лишат од слобода, но тој давал отпор. Кога пристигнале уште неколку полицајци, Д.С. бил лишен од слобода и одведен во СВР Битола, а по извршениот разговор бил пуштен на слобода.

- Против Д.С. ќе биде поднесена кривична пријава поради постоење основи на сомнение „напад врз службено лице при вршење работи на безбедноста", наведува МВР во дневниот билтен.

По неколку часа, во 17 часот, Д.С. дошол во СВР Битола и пријавил дека истиот ден околу 12.15 часот се движел со своето возило „дачиа“, а кога стигнал на пешачкиот премин пред хотел во Битола застанал за да пропушти пешаци.

Во тој момент, според неговата пријава, поминувал возач на „цитроен“ и почнал да свири по него и да му упатува пцости, по што излегол од возилото, ја отворил вратата на „дачиата“, го извлекол Д.С. од возилото, извадил пиштол, го репетирал и му го вперил во главата со закана дека ќе го убие. Според пријавителот Д.С., тоа бил В.Б., полициски службеник од СВР Битола, кој не се легитимирал.

СВР Битола презема мерки за целосно да го расчисти случајот.


Текстот е прочитан 1492 пати.
#

Електронско издание на Вест

Кликни за претплата

ДЕТАЛЕН ИЗВЕШТАЈ ОД СОБРАНИЕТО: НОВ ПРЕТСЕДАТЕЛ, ОБВИНУВАЊА ЗА ПУЧ, УПАД, МАСОВНА ТЕПАЧКА, РАСКРВАВЕНИ ГЛАВИ, ПОЛИЦИСКА АКЦИЈА, ОСУДИ И ОБВИНУВАЊА (ФОТО)
СДСМ и ДУИ вчера прескокнаа две точки од дневниот ред на конститутивната с...
ИЗЛОГ
Поглед
Пишува: Лејла САБИТ - Погледот, велат, е душата на човекот......

Во Франкфурт ќе се појави шестата генерација на "поло"
Септемврискиот Саем на автомобили во Франкфурт ќе му послужи на "Фолскваге...
"Пежо" ја одбележа титулата во женското рели со "208 блек едишн"
Одбележувајќи го освојувањето на титулата во ФИА рели шампионатот за жени,...

ОТВОРЕНО ЗА АУТИЗМОТ

 
    

Потпечени палачинки
Приготвување: пржените палачинки наредете ги во тавче. Ситно исечкајте ја ...
Site Meter