Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

01.03.2017, 19:11

Заев: Иванов изврши државен удар

Ѓорѓе Иванов со одлуката да не го додели мандатот за состав на нова влада, за што е обврзан според Уставот на Република Македонија, изврши државен удар, рече денеска лидерот на СДСМ, Зоран Заев, по одлуката на претседателот да не му го даде мандатот нему.

„Иванов ја внесува Македонија во длабока криза со несогледливи последици врз граѓаните и врз државата. Тој прави уставно-државна криза со тоа што ја негира мнозинската волја на граѓаните и поднесените 67 потписи на избрани пратеници во Собранието на Република Македонија и спречува легален и легитимен трансфер на власта. Со ваквото однесување Иванов уште еднаш се стави во улога на заштитник и соучесник на Никола Груевски и на раководството на ВМРО-ДПМНЕ“, рече Заев.

„Социјалдемократскиот сојуз на Македонија и јас како претседател нема да дозволиме никој да си игра со иднината на државата за лични, политички и криминални цели. Концептот на едно општество што го поддржаа мнозинството граѓани е единствен гарант на унитарноста на Република Македонија. Затоа, ги повикувам граѓаните да не подлегнуваат на никакви провокации, без разлика на националната, верската, политичката припадност. Да останеме смирени, на линија на демократските процеси, кои водат кон формирање нова, реформска влада во нашата Македонија, којашто ќе се фокусира на реалните потреби на граѓаните на државата и на владеењето на правото, рече лидерот на СДСМ.

„Сето ова што сега се случува сме го виделе и претходно од Никола Груевски и неговите соработници, како Ѓорѓе Иванов. Груевски тоне, но нема да дозволиме да ја потоне и нашата Македонија. Ѓорѓе Иванов мора да ја повлече оваа одлука и веднаш да го додели мандатот за формирање на новата влада, бидејќи Уставот го обврзува на тоа. Не смее да ја негира мнозинската волја на граѓаните, која е преточена преку 67 мандати на пратеници, и да ги кочи уставните, законските и демократските процеси во Република Македонија“, рече Заев.

На новинарското прашање што ако Иванов не ја повлече оваа одлука, Заев рече: „Треба да продолжиме да се однесуваме трезвено и мудро и така ќе докажеме колку ја сакаме Македонија. Внимателно и пополека, чекор по чекор. Сите законски можности ги разгледуваме за да се спречи вакво незаконско однесување. Ќе се консултираме со правни експерти. Со лидерот на ДУИ Али Ахмети немаме донесено одлуки за наредните чекори.“

На прашањето, пак, што содржи договорот со ДУИ, рече: „Се работи за усогласени начела и принципи што се во функција на зачувување на Уставот и во рамките на Уставот. Главно се договорени принципи и начела, а документите произлегуваат по добивањето на мандатот, а не пред добивањето на мандатот. По добивањето на мандатот се поминува на деталите, за кои јавноста секако дека ќе биде информирана.“


Текстот е прочитан 2770 пати.
#
Проф. д-р Гордана Силјановска: Тиранската платформа е неуставна и води кон федерализација на државата
Младите генерации излегоа „За заедничка Македонија“ (Фото)
ИЛИЕВСКИ: Загрижени родители храбро излегоа за иднината на Македонија
Претседателе, „За заедничка Македонија“ е со Вас
Во живо - „За заедничка Македонија“ 25-ти ден за унитарна Македонија
ВМРО-ДПМНЕ: СЈО ги бие битките на Заев
Постигнат договор за Комисијата за прашања на изборите и именувањата
Анкета на ИПИС: Изборите не ја решиле кризата, потребни се нови
Нови истраги на СЈО, медиумите ги спуштија камерите
Нов повик од Вашингтон да се испита работата на амбасадата во Скопје

Електронско издание на Вест

Кликни за претплата

ФОТО ГАЛЕРИИ
24-ти ден масовно за унитарна Македонија (Фото)
24 ден од протестите организирани од граѓанската иницијатива За заедничка ...
ИЗЛОГ
Убавина
Пишува Лејла САБИТ - Вистинска. Лажна. Природна. Вештачка......

"Порше" има профит од 16 000 евра од секое возило
Германскиот производител на спортски автомобили, во просек, има профит од ...
"Ауди" во јули ќе го открие новиот "А8"
Четвртата генерација на суперлимузината на "Ауди" ќе биде претставена на 1...
"Фиат фулбек крос": пикап наменет за младата публика
"Фиат" на Саемот во Женева ја претстави крос-верзијата на својот пикап мод...

ОТВОРЕНО ЗА АУТИЗМОТ

 
    

Сендвичи со паштета
Приготвување: четири парчиња од лебот намачкајте ги со паштетата, одозгора...
Site Meter