Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

17.03.2017, 19:00

ОБВИНЕТ ОД ДИВО НАСЕЉЕ СО НАВРЕДИ КОН ПРЕВЕДУВАЧКАТА ОД КРИВИЧНИОТ СУД ВО СКОПЈЕ

Мајмунке, преведувај како што треба

Со кавги и тензии продолжи судскиот процес за случајот "Диво насеље", во кој на 37 обвинети им се суди за тероризам и за терористичка организација.

Судењето почна со опомени од судијката до адвокатите, кои приговараа на прашањата од Обвинителството, и кои, според судијката, го попречуваат водењето на текот на постапката, а заврши со навреди од обвинетиот Валдет Зекај кон овластената судска преведувачка од албански на македонски јазик од Основниот суд Скопје 1. Расправија настана околу преводот дали презимето на еден од обвинетите е Рушити или Рушитовски, кој обвинетиот Насуф Бекири го спомена додека даваше исказ пред Судот. На преводот почнаа да реагираат обвинетите, а обвинетиот Валдет Зекај стана и се обрати: "Преведувај како што треба, а не како што ти кажеле да преведуваш. Мајмунке една". Обвинетиот го смируваше полицијата, а беше опоменат од судијката, која даде пауза за да се смири тензијата.
На судењето исказ дадоа двајца обвинети. Обвинетиот Насуф Бекири пред Судот рече дека во Македонија бил повикан за голема Албанија, а не за Охридскиот рамковен договор. Призна дека учествувал во нападот врз полициската станица во Гошинце и во нападите во кумановската Дива населба. Бил член на групата од осум лица која носела униформи и била вооружена. "Зедов униформа и оружје, и мислев дека нема живи да стигнеме до Куманово. Побарав од Мирсан Ндрецај да излезам од групата, оти имав информации дека ќе нe предадат. Мирсад во Слупчане се сретна со големиот човек, кого јас го знаев како командант Шипоља. Со комбе стигнавме во Куманово", рече обвинетиот Бекири. Тој пред Судот кажа дека слушнал пукотници и излегол во дворот и, како што кажа, почнало да се војува. Исказ пред Судот даде и обвинетиот Енвер Хоџа Клајн, кој рече дека не знаел ништо за никакво соопштение. Во Македонија дошол оти бил загрижен за ситуацијата и го бранел со оружје албанскиот народ. Добил униформа , но било темно, и не знаел кој му ја дал. Клајн побара за случајот да се преземе темелна истрага, со поддршка од Меѓународните фактори. (К.Д.)


Текстот е прочитан 5131 пати.
#

Електронско издание на Вест

Кликни за претплата

ДЕТАЛЕН ИЗВЕШТАЈ ОД СОБРАНИЕТО: НОВ ПРЕТСЕДАТЕЛ, ОБВИНУВАЊА ЗА ПУЧ, УПАД, МАСОВНА ТЕПАЧКА, РАСКРВАВЕНИ ГЛАВИ, ПОЛИЦИСКА АКЦИЈА, ОСУДИ И ОБВИНУВАЊА (ФОТО)
СДСМ и ДУИ вчера прескокнаа две точки од дневниот ред на конститутивната с...
ИЗЛОГ
Поглед
Пишува: Лејла САБИТ - Погледот, велат, е душата на човекот......

Во Франкфурт ќе се појави шестата генерација на "поло"
Септемврискиот Саем на автомобили во Франкфурт ќе му послужи на "Фолскваге...
"Пежо" ја одбележа титулата во женското рели со "208 блек едишн"
Одбележувајќи го освојувањето на титулата во ФИА рели шампионатот за жени,...

ОТВОРЕНО ЗА АУТИЗМОТ

 
    

Потпечени палачинки
Приготвување: пржените палачинки наредете ги во тавче. Ситно исечкајте ја ...
Site Meter