Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

22.02.2017, 20:22

Херитиџ: Напредокот на Македонија за 10 години невиден досега

Рангирањето на Македонија на 31 место на индексот на економски слободи на фондацијата Херитиџ, и напредокот за 10 поенти во само десет години е феноменален и нешто што не сум го видел на друго место. Треба да се гордеете со тоа, порача амбасадорот Тери Милер, директор за трговија и економија на оваа фондација на денешната презентација на извештајот во Скопје.

Тој истакна дека Македонија почнале да ја следат во 2002 година кога, како што рече, состојбите не биле така идеални, а оти првиот прогрес е забележан во периодот од 2006 до 2007 година, од кога тој константно продолжува.

- Тенденцијата на графичкиот приказ на прогресот изгледа драматично. Тоа е пораст за десет поени во последните десет години. Никаде го немам видено ова светот. Ова е показател за тоа како Македонија остварила резултати во историјата. Вие сте независни околу 25 години, а економските резултати коишто ги покажавте во изминатите десет години се феноменални, истакна Милер.

Оваа, рече, година добивте 70,7 поени, категорија за претежно слободни земји. Швајцарија, која е четврта земја на индексот, е десеттина поени пред Македонија, а вие се искачивте 10 поени во последните неколку години. - Така што небото е само граница. Кога имате земја чие население е посветено на реформи можете да направите речиси се, рече Милер.

Антони Ким, менаџер за истражување во фондацијата се согласува со Милер дека нема причина зошто Македонија неможе да се приклучи на првите десет земји лидери во економски слободи во светот.

- Можете да бидете Естонија доколку го сакате тоа, или Швајцарија. Сега го имате моментот којшто може да го искористите, како и полетот од добриот напредок. Добрите политики кои вие ги имплементирате изминатите години навистина се исплатат и затоа во 2017 се наоѓате на ова место. Тоа е нешто со кое навистина треба да се гордеете и треба да продолжите со овој позитивен момент, рече Ким.


Министерот за финансии Кирил Миновски смета дека рангирањето на Македонија е показател за спроведените реформи и посветеноста.

- Годинава во конкуренција на 186 земји Македонија е рангирана на 31 место со што во споредба со минатата година го подобривме рангирањето за 16 места, додека во споредба со 2006 година имаме подобрување од 47 места. На ваков начин Македонија е лидер во регионот според индексот на економските слободи, како убедливо економско најслободна земја во регионот, петнаесетина места над најблискиот конкурент од соседството и пред многу поразвиени европски економии на листата што е показател за нашето залагање во реформскиот процес, рече Миновски.

Ова рангирање, рече, значи многу за Македонија бидејќи индексот вреднува индикатори важни за инвеститорите и бизнисот, како што се сопственички права, интегритет на Владата, даночно оптоварување, слободата на бизнисот, слободата на трговија, слободата на инвестирање...

Претседателот на ВМРО-ДПМНЕ Никола Груевски по презентацијата на извештајот истакна напредокот се должи на многу работа, на многу труд на Владата, на министрите, на сите оние коишто биле вложени во работењето во правец да се создаде добра бизнис клима, да се создадат добри економски слободи, да се направат реформи.

- Пред десет години бевме на 78 место, сега Македонија е на 31 место во светот. Значи за десет години раст на ранг листата на индексот на економски слободи на фондацијата од 78 на 31 место веднаш зад Германија, Чешка и Австрија. Кога почнале да не мерат нас во 2002 година и неколку години потоа работата била прилично лоша и немало никакво поместување. Поместувањето настанува некаде од 2006, 2007 година и од презентацијата може да се види дека во последните десет години има фантастичен раст на Македонија на ранг листата на индексот за економски слободи, рече Груевски.

Додаде дека тоа е што е резултат на политиките коишто биле спроведувани во овој период и дале резултат и на терен во однос на подобрувањето на економските слободи за домашните, за странските компании коишто доаѓаат, но и генерално на растот на Македонија на оваа ранг листа којашто, како што истакна, многу инвеститори ја следат и ја анализираат.


Текстот е прочитан 1056 пати.
#
Проф. д-р Гордана Силјановска: Тиранската платформа е неуставна и води кон федерализација на државата
Младите генерации излегоа „За заедничка Македонија“ (Фото)
ИЛИЕВСКИ: Загрижени родители храбро излегоа за иднината на Македонија
Претседателе, „За заедничка Македонија“ е со Вас
Во живо - „За заедничка Македонија“ 25-ти ден за унитарна Македонија
ВМРО-ДПМНЕ: СЈО ги бие битките на Заев
Постигнат договор за Комисијата за прашања на изборите и именувањата
Анкета на ИПИС: Изборите не ја решиле кризата, потребни се нови
Нови истраги на СЈО, медиумите ги спуштија камерите
Нов повик од Вашингтон да се испита работата на амбасадата во Скопје

Електронско издание на Вест

Кликни за претплата

ФОТО ГАЛЕРИИ
24-ти ден масовно за унитарна Македонија (Фото)
24 ден од протестите организирани од граѓанската иницијатива За заедничка ...
ИЗЛОГ
Убавина
Пишува Лејла САБИТ - Вистинска. Лажна. Природна. Вештачка......

"Порше" има профит од 16 000 евра од секое возило
Германскиот производител на спортски автомобили, во просек, има профит од ...
"Ауди" во јули ќе го открие новиот "А8"
Четвртата генерација на суперлимузината на "Ауди" ќе биде претставена на 1...
"Фиат фулбек крос": пикап наменет за младата публика
"Фиат" на Саемот во Женева ја претстави крос-верзијата на својот пикап мод...

ОТВОРЕНО ЗА АУТИЗМОТ

 
    

Сендвичи со паштета
Приготвување: четири парчиња од лебот намачкајте ги со паштетата, одозгора...
Site Meter