Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

20.02.2017, 09:33

ОДЛИЧЕН ЗАЕДНИЧКИ КОНЦЕРТ НА ЦЕТИНСКИ И НА ГЕОРГИЕВ

Тони во чест на легендите, Владо со бакнеж за девојките

Скопската публика завчера, во салата "Борис Трајковски", доби два концерта во еден. Хрватскиот пејач Тони Цетински и црногорскиот Владо Георгиев ја задржаа публиката речиси пет часа на нозе.

Концертот го отвори Цетински, кој го покажа она што најдобро го знае, а кај публиката само го потврди: дека е одличен вокал и оригинален забавувач. Освен во своите хитови "Опет си побједила", "Благо оном ко те има", "Кад жена заволи", одлично се покажа и во познатата италијанска песна "Карузо". Тони изглуми дует со татко си Мирко Цетински, познат пејач од шеесеттите години и ја воодушеви публиката со својот висок тенор, пеејќи во оперски манир. На крајот од концертот, Цетински им оддаде почит на сите починати уметници од регионот и од светот. Слики на познати пејачи и актери се вртеа на видеобимот додека тој ја пееше "23 просинац", песна што ја напишал за своја девојка која починала пред многу години, токму на 23 декември. Се потсетивме на: Џорџ Мајкл, Дејвид Боуви, Витни Хјустон, Мајкл Џексон, Дино Дворник, Борис Дворник, Дражен Петровиќ, Миодраг Петровиќ-Чкаља, Павле Вујисиќ. Меѓу првите на екранот се појави слика од Есма Реџепова, а на крајот, слика од Тоше Проески.



Додека Тони привршуваше со настапот, Владо Георгиев го чекаа овожавателки зад сцената, подготвени за фотографија и за автограм.
Од почетокот на настапот на Владо до крајот владееше романтична , но и еуфорична атмосфера. Расположен и опуштен, Георгиев комуницираше со публиката со првите редови, се бакнуваше со обожавателките и на шега рече дека се надева дека неговата жена нема да ги види. Георгиев докажа дека е вистински концерт мајстор, но и дека има одлична меморија.
Ја препозна својата најверна обожавателка од Куманово, која го следи на сите концерти, и $ го подари своето палто. Специјален гостин беше неговиот другар, црногорскиот рапер Нигор, и направија заедничко шоу на хитот "Тропски бар". Црногорскиот шармер го одржа ритамот на вресоците речиси до два по полноќ со песните што не умираат: "Анѓеле", "Девојка за два минута", "Једина", "Ми нисмо ми".
Концертот го заврши како што го почна, на македонски јазик, велејќи им на фановите неколку пати: "Шо праите?"

М. Џаровска
Фото: Б. Грданоски



Охридската пастрмка ме помести од умот

Со Владо Георгиев се дружевме и зад сцената пред концертот.
"Толку сакам да доаѓам во Скопје и кога ќе дојдам, секој пат откривам нешто ново. Овој пат јадев совршена охридска пастрмка. На нас, морските луѓе, многу е тешко да ни погодиш рибен специјалитет, ама ова денес ме помести од умот", рече Владо и уште еднаш ни раскажа дека е вљубен во ќерка си Софија, која има 5 месеци.


Текстот е прочитан 2931 пати.
#

Електронско издание на Вест

Кликни за претплата

ФОТО ГАЛЕРИИ
„За заедничка Македонија“: Граѓаните маршираат против Тиранската платформа (ФОТО ГАЛЕРИЈА)
Илјадници граѓани веќе 31-ви ден масовно протестираат низ македонскиот гла...
ИЗЛОГ
Сезона
Пишува Лејла САБИТ - Пукна сонце......

"Порше" има профит од 16 000 евра од секое возило
Германскиот производител на спортски автомобили, во просек, има профит од ...
"Ауди" во јули ќе го открие новиот "А8"
Четвртата генерација на суперлимузината на "Ауди" ќе биде претставена на 1...
"Фиат фулбек крос": пикап наменет за младата публика
"Фиат" на Саемот во Женева ја претстави крос-верзијата на својот пикап мод...

ОТВОРЕНО ЗА АУТИЗМОТ

 
    

Потпечени палачинки
Приготвување: пржените палачинки наредете ги во тавче. Ситно исечкајте ја ...
Site Meter