Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

13.03.2017, 13:06

Јолевски: Односите меѓу Македонија и Турција пример за соработка во регионот

Турција дава силна поддршка на Република Македонија од денот на прогласувањето на независноста, а Република Турција во сите меѓународни комуникации го користи уставното име на Република Македонија и е единствена држава што става забелешка во сите документи на НАТО дека ја признава нашата држава под уставното име.

Ова го истакна министерот за одбрана Зоран Јолевски на денешната прослава во Битола посветена на турскиот реформатор Кемал Ататурк и промоцијата на двотомното издание „Турско-македонските односи низ историјата“.

Во своето обраќање Јолевски пособено го нагласи заедничкото учеството на македонски и турски офицери во командата во Кабул како најдобар доказ за квалитетот на соработката и односите меѓу армиите на двете држави.

- Приоритет на надворешната политика на Република Македонија е членството во НАТО и ЕУ и во таа смисла Република Турција дава безрезервна поддршка на нашите аспирации да бидеме членки на Алијансата. На овој начин Западен Балкан ќе биде побезбеден и посилен. Лидерството на Турција е многу значајно и ние сме им благодарни за тоа лидерство, нагласи министерот Јолевски.

Тој обраќањето го заврши со пораката на Кемал Ататурк - „Мир во земјата, мир во светот“, која, како што рече, е водилка за зачувување на глобалниот мир и безбедност и зајакнување и усовршување на просперитетната иднина на народите и заедничкиот соживот во регионот и во светот.

На свечениот настан во Битола за македонско-турските мостови на соработка и за делото на Кемал Ататурк и неговото образование во Воената школа во овој град говореше и турскиот генерал Сулејман Евдизмант. Тој притоа истакна дека изборот на Битола бил затоа што градот бил врата на османлиската империја, која се отвора кон Запад.

- Културната клима во градот и образованието во Воената гимназија имаат голема улога при формирањето на национално-историската свест кај Мустафа Кемал Ататурк, и токму во Битола се соочува со чувството за грижа кон татковината. Кемал Ататурк во Битола се стекнал со образование кое се однесува на се за татковината и тоа во него остава длабоки траги, рече меѓудругото гостинот од Турција, гнералот Евдизмант.

Пред аудиториумот во Битола беше промовирана и публикацијата „Турско-македонските односи низ историјата“ во чија изработка се вклучени уредниците од Турција Шахин Кујучу, Резан Нунал, Озлен Демиреген и Ахмет Чалишка, додека од Македонија во подготвувањето на публикацијата учествуваа Владо Поповски, Ристо Дамјановски и Александар Стојчев.


Текстот е прочитан 313 пати.
#

Електронско издание на Вест

Кликни за претплата

Масовен марш и денеска „За заедничка Македонија“: Остануваме на улиците колку што е потребно! (ФОТО)
Сибир се стопи (Жешко фото)
Околу 1.500 вљубеници во зимските спортови во оскудна облека се собраа на ...
ИЗЛОГ
Поглед
Пишува: Лејла САБИТ - Погледот, велат, е душата на човекот......

Во Франкфурт ќе се појави шестата генерација на "поло"
Септемврискиот Саем на автомобили во Франкфурт ќе му послужи на "Фолскваге...
"Пежо" ја одбележа титулата во женското рели со "208 блек едишн"
Одбележувајќи го освојувањето на титулата во ФИА рели шампионатот за жени,...

ОТВОРЕНО ЗА АУТИЗМОТ

 
    

Потпечени палачинки
Приготвување: пржените палачинки наредете ги во тавче. Ситно исечкајте ја ...
Site Meter