Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

08.03.2017, 11:19

Хојт Ји: Македонија мора што побргу да формира влада

Заменик помошник на американскиот државен секретар Брајан Хојт Ји во Загреб изјавил дека очекува од политичките лидери во Македонија, вклучително и од претседателот, да направат се што е неопходно наскоро да се формира влада без натамошно одлагање, на начин кој е во согласност со уставот на земјата, пренесува хрватската новинска агенција ХИНА.

- Мнозинството во македонскиот Парламент изразија волја да формираат влада. Се надеваме дека македонскиот претседател на мнозинството членови на Парламентот ќе им овозможи што побргу да формираат влада. На државата и треба влада која мора да ги продолжи реформите, кажал Хојт Ји и додал дека со изборот на влада и со продолжување на реформите ќе се реши и спорот со Грција за името, а тогаш Македонија ќе може да пристапи и во НАТО.

Како што пренесува ХИНА, Хојт Ји рекол дека на Македонија и претстои многу работа, но дека прво мора да формира Влада, а ЕУ и САД соработуваат блиску за тоа да се случи.

Според него, состојбата во Македонија не е изненадувачка. - Сведоци сме на промени, има страни кои сакаат да останат на власт и оние кои сакаат да дојдат на власт, во некои случаи и првпат. Природно и нормално е политичката напнатост да биде многу висока, реториката е многу силна, можеби не е прифатлива, но ние веруваме дека луѓето во Македонија сакаат да влезат во НАТО и во ЕУ. За да се случи тоа, мора да дојде до политички консензус, компромис кој ќе овозможи формирање стабилна влада, истакнал Хојт.

Потсетил дека Босна и Херцеговина и Македонија не се етнички хомогени држави така што, во насока на исполнување на стандардите на НАТО и ЕУ, мора да пронајдат модел на почитување и заштита на правата на малцинствата.

- Мора да пронајдат начин како да ги интегрираат луѓето кои се разликуваат по етницитетот и верата, за да се чувствуваат безбедни. Ако државите не се успешни во тоа, општествата ќе бидат поделени, нестабилни и нема да им бидат од интерес ниту на сопствените луѓе, а камоли на странските инвеститори. Тоа е клучно ако сакаат да бидат економски успешни, порачал Хојт.

Политичките партии, смета Хојт, мора да ги остават настрана своите теснополитички интереси, личните интереси и благосостојбата на граѓаните да ја стават на прво место и не би смееле круто да се држат до својата агенда и во одбивањето компромиси.

Осврнувајќи се на обвинувањата од Русија дека САД и ЕУ се обидуваат на југоистокот на Европа да создадат „голема Албанија“, Хојт Ји, рекол дека се работи за пропаганда која ја шират „злобни извори“ кои работат против она што сакаат да го постигнат Унијата и САД, затоа што, рекол, сакаат слаба Европа која е енергетски зависна од Русија и настојуваат да ги попречат евроинтеграциите.

За американската политика кон овој дел од Европа, без оглед на промените во Белата куќа, Хојт Ји тврди дека е доследна и се темели на американските интереси.

- Не гледам никакви обиди за тоа да се промени. Остануваме приврзани на НАТО и на европската безбедност, заклучил Хојт Ји во Загреб.


Текстот е прочитан 1574 пати.
#

Електронско издание на Вест

Кликни за претплата

ДЕТАЛЕН ИЗВЕШТАЈ ОД СОБРАНИЕТО: НОВ ПРЕТСЕДАТЕЛ, ОБВИНУВАЊА ЗА ПУЧ, УПАД, МАСОВНА ТЕПАЧКА, РАСКРВАВЕНИ ГЛАВИ, ПОЛИЦИСКА АКЦИЈА, ОСУДИ И ОБВИНУВАЊА (ФОТО)
СДСМ и ДУИ вчера прескокнаа две точки од дневниот ред на конститутивната с...
ИЗЛОГ
Поглед
Пишува: Лејла САБИТ - Погледот, велат, е душата на човекот......

Во Франкфурт ќе се појави шестата генерација на "поло"
Септемврискиот Саем на автомобили во Франкфурт ќе му послужи на "Фолскваге...
"Пежо" ја одбележа титулата во женското рели со "208 блек едишн"
Одбележувајќи го освојувањето на титулата во ФИА рели шампионатот за жени,...

ОТВОРЕНО ЗА АУТИЗМОТ

 
    

Потпечени палачинки
Приготвување: пржените палачинки наредете ги во тавче. Ситно исечкајте ја ...
Site Meter