Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

09.03.2017, 13:58

ЧЕРВАР СЕ ПОДГОТВУВА ЗА ВРАЌАЊЕ НА КОРМИЛОТО НА ХРВАТСКАТА РЕПРЕЗЕНТАЦИЈА

Лино го најави проектот "Токио 2020" , па го извиси

Лино Червар се враќа дома, на кормилото на Хрватска, оставајќи ја македонската ракометна репрезентација само неколку месеци откако го најави проектот "Токио 2020".

Иако по состанокот во Загреб не беше објавена официјална одлука, туку за тоа беа оставени уште неколку дена, хрватските медиуми ликуваат, а Червар призна дека се наоѓа во исклучително тешка ситуација.
- Преговорите одат во добра насока, за десетина дена ќе го соопштиме името на новиот селектор - изјави Зоран Гобац, алфа и омега на хрватскиот ракомет.
Желбата да го освои единственото злато што му недостига, што сите го очекуваат од наредното ЕП на домашен терен, се чини, беше пресуден фактор. Лино, сепак, ќе размисли уште некој ден, но тоа, се чини, ќе биде само колку да се спакува.
- Мора да ме разберете, мене ми е најтешко, зашто сум меѓу два огна. Не можам ни да спијам, зашто мора да донесам одлука. Во Македонија сум седум години, тоа е моја втора татковина и луѓето одлично ме прифатија. Направив големи работи за нивниот ракомет.



Мора да бидам коректен кон луѓето и во Македонија и во Хрватска. Ова не е ни малку лесна ситуација и затоа молам за уште трпение. Сепак, сите знаат кој сум и од каде сум - порача Червар, навестувајќи за што, всушност, ќе се реши.
Лино Червар пристигна во Металург, откако со Хрватска освои сребро на ЕП 2010 и направи од него респектабилен клуб на европската сцена, при што се издвојуваат два пласмана во четврт-финалето на Лигата на шампионите.
Иако тоа се очекуваше и многу порано, тој стана селектор на Македонија дури во мај минатата година, при што беше претставен како долгорочно решение за оваа позиција. Излегува дека Светското првенство во Франција беше негово деби и лебедова песна во таа улога.


Текстот е прочитан 2047 пати.
#

Електронско издание на Вест

Кликни за претплата

ДЕТАЛЕН ИЗВЕШТАЈ ОД СОБРАНИЕТО: НОВ ПРЕТСЕДАТЕЛ, ОБВИНУВАЊА ЗА ПУЧ, УПАД, МАСОВНА ТЕПАЧКА, РАСКРВАВЕНИ ГЛАВИ, ПОЛИЦИСКА АКЦИЈА, ОСУДИ И ОБВИНУВАЊА (ФОТО)
СДСМ и ДУИ вчера прескокнаа две точки од дневниот ред на конститутивната с...
ИЗЛОГ
Поглед
Пишува: Лејла САБИТ - Погледот, велат, е душата на човекот......

Во Франкфурт ќе се појави шестата генерација на "поло"
Септемврискиот Саем на автомобили во Франкфурт ќе му послужи на "Фолскваге...
"Пежо" ја одбележа титулата во женското рели со "208 блек едишн"
Одбележувајќи го освојувањето на титулата во ФИА рели шампионатот за жени,...

ОТВОРЕНО ЗА АУТИЗМОТ

 
    

Потпечени палачинки
Приготвување: пржените палачинки наредете ги во тавче. Ситно исечкајте ја ...
Site Meter