Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

09.02.2017, 13:26

Средба Груевски-Тимоние: Широките коалиции во Македонија се проверен рецепт за неуспех

Претседателот на ВМРО-ДПМНЕ. Никола Груевски заедно со членовите на Извршниот комитет на партијата Никола Попоски и Никола Тодоров се сретна со амбасадорот на Република Франција Кристијан Тимоние, која доаѓа на негово барање, соопштија од партијата.

Францускиот амбасадор, како што стои во соопштението, истакнал дека она што и го посакува на Македонија е воспоставување стабилност со цел придвижување на работите нанапред и надминување на постојната ситуација.

- Од ВМРО-ДПМНЕ беше истакнато дека партијата имала обид во рок од 20 дена да формира Влада, иако од самиот почеток ни беше јасно дека со така тесното мнозинство формирањето на Влада во Македонија ќе биде сериозен предизвик, сепак и покрај се влеговме со добра волја и оптимизам. Но, за жал кај ДУИ се појавија некои прашања кои ги одвратија да прават коалиција со ВМРО-ДПМНЕ, а од разговорите со нив, а и од информациите кои ги добивме, доминираат најмалку две покрупни прашања, наведуваат од ВМРО-ДПМНЕ и додаваат дека првото е поврзано со корпусот на национални прашања, каде што влегува новата платформа која ја предложија и бараните измени на законот за употреба на јазиците и второто е поврзано со нивните предизвици поврзани со наредните локални избори.

Додаваат дека покрај ова, од ВМРО-ДПМНЕ било истакнато дека во земјава има повеќе партии кои имаат специфика прилично несвојствена за други држави во светот, а тоа, како што наведуваат, е да бараат и да чекаат мислење од некој надворешен фактор за работи за кој вообичаено во земјите насекаде во светот не се очекува мислење за такви работи од надворешни фактори, или дури и не може да се замисли некој друг да се вмешува во носењето на одредени одлуки на партиите.

- ВМРО-ДПМНЕ многу ја почитува меѓународната заедница, секогаш со полна сериозност приоѓа кон анализа на ставовите и пораките што се испраќаат од нејзе, и ги земаме предвид при носењето на одлуките, но и разграничуваме каде треба да се даде поголем тежински фактор на тие мислења, а каде и во кои случаи треба да се даде помал тежински фактор при носењето на одлуката. Тоа го правиме во склад со праксата која ја имаат и другите политички партии во Европа и низ демократскиот свет, истакнале од ВМРО-ДПМНЕ, при што потенцирале дека сепак секој си одлучува за својот начин за работење и секој сам има право да одлучи како ќе носи одлуки и како ќе одлучува во иднина.

Во соопштението стои дека францускиот амбасадор подвлекол дека тоа не е нешто што не е познато на Балканот. - Во француската традиција е да се почитува независноста на државите и затоа ние се обидуваме колку што е можно помалку да се мешаме во внатрешните работи, изјавил амбасадорот.

Од ВМРО-ДПМНЕ на средбата било посочено дека понудената платформа е еден обид за репреговарање на Охридскиот Рамковен договор на мала врата. - Партиите во Македонија, се наведува, многу одамна се договорија и го повторивме тоа, а истото го повтори и меѓународната заедница дека не треба да има репреговарање на Охридскиот рамковен договор и ако се репреговара сите страни на маса ќе извадат нови барања и тогаш се отвора пандорина кутија и не се гледа крајот. Цениме дека таков процес може да не однесе во погрешна насока бидејќи може и други етнички немнозински заедници во државата да понудат своја платформа бидејќи оваа што ДУИ и другите албански партии ја создадоа во некои други држави е само за Албанците. И на крајот може и мнозинската заедница, поточно македонската, да направи своја нова платформа и да ја постави како услов за сега и за во иднина, што ќе биде причина за нови проблеми и прегрупирања, така што не прифативме разговор базиран на една национална платформа и сметаме дека тој што ги убедил ДУИ да тргнат по еден ваков пат им направил ,,мечкина услуга,, , истакнуваат од ВМРО-ДПМНЕ.

Што се однесува до законот за употреба на јазиците од ВМРО-ДПМНЕ било посочено дека Македонија е една од неколкуте земји кои подобро стојат во Европа во правец на давање слободи, можности и права на помалите заедници да ги користат своите јазици што се овозможи и пред и по склучувањето на рамковниот договор во Охрид во 2001-та. Во разговорите со ДУИ се согласивме да разговараме за евентуални унапредувања поврзани со општините каде што над 20 проценти се од некоја различна етничка заедница од мнозинската, при што се развија идеи кој ќе беа од корист и за албанската и за останатите етнички заедници во општините каде се 20 осто.

Во соопштението истакнуваат дека за ВМРО-ДПМНЕ се многу значајни Албанците во Македонија, но исто така се многу значајни и Турците, Ромите, Србите, Бошњаците, Власите и останатите, и додаваат дека обврска е да се грижат за сите.

- Инсистирањето, стои во соопштението, на ДУИ беше за двојазичност на цела територија што цениме дека не е согласно Уставот ниту има логика која е во склад со реалноста на терен. Тие се преставници на заедница која е значителен процент, 25 осто, но сепак мнозинската заедница е 65-66 осто македонци и со сиот почит кон абанската заеднца и граѓани, сепак преголема е разликата за целосно да се изедначи користењето на јазикот. Втор значаен момент е што Албанците во Македонија се главно концентрирани во северозападниот дел на Македонија, а двојазичноста на целата територија освен политички ќе создаде и економски проблеми, но и потенцијал за проблеми на многу граѓани во секојдневниот живот. За многу други работи што се поврзани со човекови права најдовме одредени добри идеи кои што значително ќе помогнеа и кај Албанците и кај останатите заедници кои живеат во Макадонија. Ние од наша страна тргнавме со максимално добра волја, истакнаа од ВМРО-ДПМНЕ.

На состанокот меѓу останатото од ВМРО-ДПМНЕ било посочено дека ДУИ во разговорите за коалицирање се води и од анализите за наредните локални избори. Додаваат во соопштението дека на минатите локални избори беше сериозен предизвик ДУИ да победи во одредени за нив стратешки општини и добро се сеќаваме на улогата на ВМРО-ДПМНЕ на тие избори во одредени општини во поглед на дадената поддршка, но тоа сепак е работа на ДУИ. Ќе дојдат локалните избори и ќе се види дали им била добра проценката, посочија од ВМРО-ДПМНЕ.

На средбата било истакнато дека со оглед на актуелниот распоред на сили дури и да се формира Влада ќе биде многу тешко таа да биде функционална во смисла на реформи и многу тешко ќе биде да биде долготрајна. Од тој апсект, наведуваат ВМРО-ДПМНЕ има и искуство и затоа сметаат дека е добро уште еднаш да се даде шанса во период од два, два и пол месеци од сега, и можеби заедно со локалните да има нови парламентарни избори. - Можеби, наведуваат во соопштението, некој ќе прокоментира дека тоа е губење време, но за ВМРО-ДПМНЕ тоа е најкусото време кое што може да се загуби во однос на тоа што со актуелната состојба може да се случи да се загубат 6 месеци, година или подолг период на криза, заглавени институции и континуирана политичка тензија во земјата, стои соопштението.

Францускиот амбасадор посочил дека и тоа е можност, но тоа е прашање за кое треба да одлучат сите политички партии. Она што загрижува, според него, е стабилноста. - Неопходно е, смтал, и националните македонски партии на долгорочен план заеднички да ги решаваат работите, затоа што поделбата која постои помеѓу ВМРО-ДПМНЕ и СДСМ е преголема, а има голем број на предизвици....

Од ВМРО-ДПМНЕ беше истакнато дека напуштањето на принципот за коалицирање на победникот кај Македонците од изборите со партијата победник кај Албанците, за што силно инсистираше ДУИ да се практикува, вклучително и преку испраќање јавни апели, сега во ситуација кога на овие избори тие имаат поголема одлучувачка важност како политичка партија, доколку сега се прекрши принципот тоа ќе биде неповратен процес што можеби кракторочно не ни одговара, но долгорочно ќе ни одговара, и во тој случај нема да одговара на другите етнички заедници, особено Албанците и албанските партии.

Францускиот амбасадор запраша дали во ВМРО-ДПМНЕ се смета дека Ахмети е искрен во тоа што го кажува во политиката, на што беше одговорено дека неговата искреност и мудрост сега се на многу сериозен тест.

Од ВМРО-ДПМНЕ посочиле дека во последно време од некои страни се даваат идеи за широка влада и оти ставот на ВМРО-ДПМНЕ е дека формирањето на широките коалиии во Македонија, е проверен рецепт за неуспех.

На средбата биле разменети информации и за одредени проекти со кои Франција помогнала или сака да помогне на Република Макеоднија.


Текстот е прочитан 1162 пати.
#
Проф. д-р Гордана Силјановска: Тиранската платформа е неуставна и води кон федерализација на државата
Младите генерации излегоа „За заедничка Македонија“ (Фото)
ИЛИЕВСКИ: Загрижени родители храбро излегоа за иднината на Македонија
Претседателе, „За заедничка Македонија“ е со Вас
Во живо - „За заедничка Македонија“ 25-ти ден за унитарна Македонија
ВМРО-ДПМНЕ: СЈО ги бие битките на Заев
Постигнат договор за Комисијата за прашања на изборите и именувањата
Анкета на ИПИС: Изборите не ја решиле кризата, потребни се нови
Нови истраги на СЈО, медиумите ги спуштија камерите
Нов повик од Вашингтон да се испита работата на амбасадата во Скопје

Електронско издание на Вест

Кликни за претплата

ФОТО ГАЛЕРИИ
24-ти ден масовно за унитарна Македонија (Фото)
24 ден од протестите организирани од граѓанската иницијатива За заедничка ...
ИЗЛОГ
Убавина
Пишува Лејла САБИТ - Вистинска. Лажна. Природна. Вештачка......

"Порше" има профит од 16 000 евра од секое возило
Германскиот производител на спортски автомобили, во просек, има профит од ...
"Ауди" во јули ќе го открие новиот "А8"
Четвртата генерација на суперлимузината на "Ауди" ќе биде претставена на 1...
"Фиат фулбек крос": пикап наменет за младата публика
"Фиат" на Саемот во Женева ја претстави крос-верзијата на својот пикап мод...

ОТВОРЕНО ЗА АУТИЗМОТ

 
    

Сендвичи со паштета
Приготвување: четири парчиња од лебот намачкајте ги со паштетата, одозгора...
Site Meter