Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

09.02.2017, 14:25

ЕУ по изјавата на Рорбахер: Целосно го поддржуваме суверенитетот и целовитоста на Македонија

Европската унија во целост го почитува суверенитетот на Репулика Македонија, вклучително и почитување на границите на македонската држава. Ова денеска во име на официјален Брисел за МИА го пренесе портпаролката на Европската комисија, Маја Коцијанчиќ, а по бурата во македонската јавност што ја покрена првиот човек на Поткомитетот за Европа во американскиот Конгрес, Дејна Рорбахер, изјавувајќи дека „Македонија не е држава и дека треба да се подели меѓу Косово и Бугарија“.

Како што јавува дописникот на МИА од Брисел, а потенцирајќи дека Еврокомисијата има став да не коментира туѓи коментари, портпаролката Коцијанчиќ го пренесе официјалнио став на ЕУ за поддршка на македонската држава во нејзините граници поради вознемиреноста во македонското општество, предизвикана од коментарите на високиот американски службеник, откако истите се појавија заедно со т.н. албанска платформа на некои политички партии во Македонија, а која претставува закана за унитарноста на земјата.
- Кога станува збор за БЈР Македонија, ова е земја-кандидат и ние целосно ја почитуваме истата. Ние се занимаваме со земјата и ја поддржуваме со целосно почитување на сето она што се подразбира, вклучувајќи го нејзиниот суверенитет, но и со почитување на нејзините граници. Ние, всушност, постојано се залагаме дека нема промени кога станува збор за границите и работиме со кандидатските земји со сета сериозност, поддршка и одлучност во поддршката на нивниот пат кон Европската унија, изјави Коцијанчич за МИА.
Во име на официјален Брисел, таа додаде дека Унијата и тоа како смета на сите балкански земји во однос на соработка и нивно приближување кон ЕУ.
- Тоа е регион што има европска перспектива и кој е дел од нашата политика за проширување исто така. Ние правиме голем број работи со цел да го подржиме регионот во однос на политички и економски аспект, но и за понатамошен развој, а со цел земјите да се доближат поблиску до Европската унија. Во принцип, ова е базирано на нашата регионална соработка, добрососедските односи и помирувањето. Во тој поглед, ние правиме бројни работи, па меѓу другото посредуваме и во дијалогот меѓу Белград и Приштина, додаде гласноговорничката на Европската комисија.


Текстот е прочитан 969 пати.
#

Електронско издание на Вест

Кликни за претплата

Масовен марш и денеска „За заедничка Македонија“: Остануваме на улиците колку што е потребно! (ФОТО)
Сибир се стопи (Жешко фото)
Околу 1.500 вљубеници во зимските спортови во оскудна облека се собраа на ...
ИЗЛОГ
Поглед
Пишува: Лејла САБИТ - Погледот, велат, е душата на човекот......

Во Франкфурт ќе се појави шестата генерација на "поло"
Септемврискиот Саем на автомобили во Франкфурт ќе му послужи на "Фолскваге...
"Пежо" ја одбележа титулата во женското рели со "208 блек едишн"
Одбележувајќи го освојувањето на титулата во ФИА рели шампионатот за жени,...

ОТВОРЕНО ЗА АУТИЗМОТ

 
    

Потпечени палачинки
Приготвување: пржените палачинки наредете ги во тавче. Ситно исечкајте ја ...
Site Meter