Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

06.01.2017, 10:05

Православните христијани го слават Бадник

Православните христијански верници во Македонија денеска го слават Бадник, ден пред големиот празник Рождество Христово - Божик.

Бадник традиционално ќе биде одбележан со собир пред Соборниот храм „Свети Климент Охридски“ во Скопје.

Манифестацијата ќе почне со бадниковата химна што ќе ја исполни Силви бенд и со кревање на бадниковото знаме.

Свештениците од Соборниот храм „Свети Климент Охридски“ ќе ги осветат нафората, чајот и ракијата, како и бадникарските гранчиња, што годинашните кумови и здравичарот традиционално порано ги набраа на падините на Водно, а кои ќе им се делат бесплатно на присутните.


Архиепископот охридски и македонски, г.г. Стефан со пригодна беседа ќе им се обрати на скопјани и на сите добронамерници, по што ќе му го предаде преодниот ќуп на новиот кум Радко Манов кој потоа заедно со минатогодишниот кум Илија Малинковски ќе заминат со пајтон.

Здравицата годинава ќе ја каже здравичарот Љубиша Николиќ, а на граѓаните ќе им се обрати и градоначалникот на Град Скопје Коце Трајановски.

Делегација на Одборот за прослава заедно со кумот за Бадник 2017 по манифестацијата ќе замине за Злокуќани во Домот за стари лица за да им ја пренесе атмосферата на сограѓаните со осветеното Бадниково гранче и да им однесе пригодни подароци за Бадник.


Во пресрет на Бадник, синоќа во скопските маала и во другите населени места во Македонија се одржаa народни собири со палење бадникарски огнови. Рано изутрина, пак, Рождеството Христово го најавија децата коледарчиња.

Македонскиот народ со многу внимание и почит ги одбележува овие празници. Божик е Господски празник и се празнува во спомен на раѓањето на Господ Исус Христос. Овој празник е матица на сите други црковни празници, бидејќи со Христовото раѓање се смета и почетокот на новата ера.

Семејството на Бадник се собира на заедничка вечера и според обичајот оваа вечер не се оди на гости. Се прави богата, посна трпеза. Домаќините се трудат да принесат од се по нешто за да им биде богата трпезата во текот на целата година. Се меси погача, а во некои места се прават зелници во кои се става паричка. Се верува дека оној кај кого ќе падне паричката ќе го следи среќа во текот на целата година. Пред почнувањето на вечерата на која сите се собрани, домаќинот ја благословува трпезата, го крши кравајчето, а некаде го дели зелникот, на толку делови колку што има членови во семејството, оставајќи уште дел за Бога и дел за куќата.

Исто така, вечерта во огнот се става бадниково гранче кое се смета за најздраво дрво, за да бидат здрави сите во семејството.Бадниковите гранчиња се симбол на среќата, љубовта и светлината, со кои православните верници ги украсуваат домовите за Бадниковата вечер, во пресрет на Божик, најголемиот христијански празник.


Текстот е прочитан 496 пати.
#
Одлуката на Јанева е потврда дека Заев е фатен во криминал
„Стоп операција Сорос“: Фондацијата на Сорос нема врска со граѓански сектор
ВМРО-ДПМНЕ: За секој сторен криминал Заев ќе биде казнет
Нова група словачки полицајци во зедничка патрола на границата со Грција
МНР бара корекција на именувањето на Република Македонија од државните органи на Србија
Земјоделците бесплатно имаат на располагање 27 проекти за изградба на фарми и насади
ФЗОМ: Зголемена потрошувачката и достапноста на лекови во 2016 година
Пријавување за бања и бесплатен викенд за пензионери
Европратениците бараат ЕУ итно да ги отсели бегалците од Македонија, Грција и Србија
Милошоски: СЈО работи според потребите на СДСМ и стана беспредметна институција

Електронско издание на Вест

Кликни за претплата

ФОТО ГАЛЕРИИ
Фотографиите од сексапилната албанска поп пејачка Ени Кочи уриваат рекорди на Интернет
ИЗЛОГ
Идила
Пишува Лејла САБИТ - Во Македонија ни се случува идила......

Тојота подготви спортско издание на Јарис
По враќањето на светската рели сцена Тојота на претстојниот Саем за автомо...
КИА влегува во светот на спортските лимузини
Јужнокорејската компанија КИА го одржа своето ветување и ја промовираше пр...

ОТВОРЕНО ЗА АУТИЗМОТ

 
    

Варени јаболка со пудинг
Приготвување: јаболката измијте ги, излупете ги и ставете ги во половина л...
Site Meter