Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

17.01.2017, 13:43

СОВЕТИ ЗА ЗИМА БЕЗ НАСТИНКИ

Јакнете го имунитетот и редовно мијте ги рацете

БЕРЛИН - Со малку среќа, редовното миење на раце, јакнењето на имунолошкиот систем и одржување здрава клима во вашиот дом е сè што ви треба за да ја поминете зимата без да се настинете, смета Урсула Селерберг, портпаролка на Федералниот синдикат на германски здруженија на фармацевти.

Треба да ги миете рацете неколку пати дневно доколку не сакате да настинете и тоа да ги триете со сапун убаво и меѓу прстите пола минута, советува Селерберг.
"Нема потреба од средства за дезинфекција", додаде таа.
Настинките ги предизвикуваат вируси, кои се пренесуваат преку предмети кои ги допреле повеќе луѓе, на пример, брави и огради. Миењето на рацете го спречува ваквото ширење на бактерии. Исто така, треба да го допирате лицето со рацете што е можно поретко со цел да ги држите вирусите подалеку од устата, носот и од очите.
"Оној кој е настинат не треба да кива во рацете, туку во шамивче или кога нема друг избор во ракавот. Вака нема да ја пренесете настинката на другите", забележа Селерберг.
Можете да го зајакнете вашето тело со топло-ладни тушеви, кои го стимулираат одбранбениот систем на телото.



"Секогаш завршувајте со ладен туш. Ова ќе го поттикне загревањето на телото", советува Селерберг.
Доколку не ги сакате топло-ладните тушеви, намокрете ги само рацете и нозете под колената. Домашниот третман со ладна вода, исто така, го зајакнува имунолошкиот систем. Наполнете ја кадата со ладна вода и влезете внатре две минути. Честото посетување на сауни дополнително го стимулира имунолошкиот систем, исто како и прошетките на воздух на ниски температури. Но при тоа треба да се облечете топло со шал и капа, за да не го премрзнете телото.
Иако многумина повеќе сакаат да си седат дома на топло во зимскиот период, треба да се знае дека системите за затоплување дома и во канцелариите ја сушат мукозната мембрана на телото.
"Со ова само $ овозможувате на настинката полесно да ве нападне", додаде Селерберг.
Исто така, бројот на вируси многу лесно може да се зголеми во затворени простории, па поради ова треба да ги проветрувате домовите и канцелариите по 10 минути, три до четири пати дневно. Со ова создавате поволна клима во затворените простории. Идеална собна температура во зимскиот период е 19 до 20 Целзиусови степени и ниту степен повеќе од ова.


Текстот е прочитан 1751 пати.
#

Електронско издание на Вест

Кликни за претплата

ДЕТАЛЕН ИЗВЕШТАЈ ОД СОБРАНИЕТО: НОВ ПРЕТСЕДАТЕЛ, ОБВИНУВАЊА ЗА ПУЧ, УПАД, МАСОВНА ТЕПАЧКА, РАСКРВАВЕНИ ГЛАВИ, ПОЛИЦИСКА АКЦИЈА, ОСУДИ И ОБВИНУВАЊА (ФОТО)
СДСМ и ДУИ вчера прескокнаа две точки од дневниот ред на конститутивната с...
ИЗЛОГ
Поглед
Пишува: Лејла САБИТ - Погледот, велат, е душата на човекот......

Во Франкфурт ќе се појави шестата генерација на "поло"
Септемврискиот Саем на автомобили во Франкфурт ќе му послужи на "Фолскваге...
"Пежо" ја одбележа титулата во женското рели со "208 блек едишн"
Одбележувајќи го освојувањето на титулата во ФИА рели шампионатот за жени,...

ОТВОРЕНО ЗА АУТИЗМОТ

 
    

Потпечени палачинки
Приготвување: пржените палачинки наредете ги во тавче. Ситно исечкајте ја ...
Site Meter