Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

03.03.2017, 13:46

ОДРЖАНО ОСНОВАЧКОТО СОБРАНИЕ НА АКАДЕМИЈА БАЛКАНИКА ЕУРОПЕАНА

Македонија може да го европеизира Балканот

Жан Патрик Конард, претседател на Европската академија на науките, уметностите и книжевностите, Јордан Плевнеш и Александар Прокопиев од Македонија, Јон Карамитру од Романија, Светлана Броз, Јасмила Жбанич, Градимир Гојер и Марина Финци од Босна, Владислав Бајац од Србија, Николас Виерс - Брисел, Бранислав Миќуновиќ - Црна Гора, Алек Попов, Христо Бојчев од Софија, Атанасис Вистонитис

од Атина и Башким Шеху и Васо Толе од Тирана се едни од најистакнатите автори на Балканот кои се потписници на Декларацијата, која новоформираната институција Академија Балканика Еуропеана, со седиште во Букурешт, ја испратија до Европскиот парламент, Европската комисија, Обединетите нации и до УНЕСКО.
Во Декларацијата се вели дека во време кога водечките европски нации се длабоко завлезени во своите внатрешни кризи, со што ја загрозуваат движечката историска сила на Европската Унија, постои можност и обврска за помалите држави на европскиот континент да се претворат во фактор кој ќе го носи факелот на европскиот историски прогрес. Големите автори од регионов велат: " Земјите од Југоисточна Европа, и особено Македонија, како вистински шампион на мултикултурализмот, имаат пресудна улога во европеизацијата на Балканот", и додаваат дека народите од овој регион имаат единствена заедничка аспирација - да станат дел на Европската фамилија на нации базирани на заеднички културни вредности, а не на економски и потрошувачки погубни логики и ривалитети. "Се обраќаме до сите европски институции и повикуваме на нова културна ренесанса. Повикуваме на јасни утврдувања на вредностите кои индивидуално и колективно сите ги поседуваме, а не на етнички поделби и платформи кои учествуваат во бирократските блокади, кои стануваат несовладливи пречки на индивидуалните човечки права и изградбата на вистинската и слободна политичка Европа", се вели во Декларацијата на Академија Балканика Еуропеана, која поддржува нова енергија во изградбата на Европската Унија, базирана на индивидуалните права на хуманизмот и културната ренесанса.
Академијата беше формирана во Скопје, на одбележувањето на 10-годишнината од Универзитетот ЕСРА, и во неа ќе членуваат 35 истакнати автори од 10 земји.


Текстот е прочитан 1385 пати.
#
Викенд со Кјубрик, шпански и француски филмови
Танцот ми дозволува да останам своја
Ретро-комбе го рекламира "Малиот гангстер"
РОМАН НА ГОДИНАТА: Врачена наградата на писателот Давор Стојановски
Бајка со магионичарски ефекти
Создавај уметност и продавај ја
Со Пикасо во ЕУ
Скопје во 3Д филм со "Танц фест"
Милчо Манчевски со Медлин Олбрајт и со директорите на УНЕСКО, „Кенеди“ и „Гугенхајм“ на културен самит во Абу Даби
Скопје танцува во 3Д (Фото)

Електронско издание на Вест

Кликни за претплата

ДЕТАЛЕН ИЗВЕШТАЈ ОД СОБРАНИЕТО: НОВ ПРЕТСЕДАТЕЛ, ОБВИНУВАЊА ЗА ПУЧ, УПАД, МАСОВНА ТЕПАЧКА, РАСКРВАВЕНИ ГЛАВИ, ПОЛИЦИСКА АКЦИЈА, ОСУДИ И ОБВИНУВАЊА (ФОТО)
СДСМ и ДУИ вчера прескокнаа две точки од дневниот ред на конститутивната с...
ИЗЛОГ
Поглед
Пишува: Лејла САБИТ - Погледот, велат, е душата на човекот......

Во Франкфурт ќе се појави шестата генерација на "поло"
Септемврискиот Саем на автомобили во Франкфурт ќе му послужи на "Фолскваге...
"Пежо" ја одбележа титулата во женското рели со "208 блек едишн"
Одбележувајќи го освојувањето на титулата во ФИА рели шампионатот за жени,...

ОТВОРЕНО ЗА АУТИЗМОТ

 
    

Потпечени палачинки
Приготвување: пржените палачинки наредете ги во тавче. Ситно исечкајте ја ...
Site Meter