Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

10.03.2017, 11:40

АНТОНИЈА РИСТОВСКА СО ПРОЛЕТНА КОЛЕКЦИЈА НА ВЕНЧАНИЦИ

Невести како капка роса (Ексклузивна фотогалерија)

Колекција инспирирана од пролетта со сите нејзини украси: пролетната утринска роса, расцутените гранки, пупките и цветовите, утрата во кои таа е сонлива, а, истовремено, присутна и освестена дизајнираше креаторката Антонија Ристовска. Кроевите во основа се многу женствени и суптилно ја истакнуваат убавината на женската фигура.

На секоја венчаница е работен рачен вез, со мониста, свилен конец, тантела и нежни 3Д цветови, детали кои им даваат посебна вредност. Стилот на венчаниците е бајковит и со вонвременска елеганција. Во моделите ќе се препознаат девојките со истенчен вкус, кои имаат софистициран стил и посебна харизма.
Колекцијата е составена од две потколекции. Првата е составена од модели во кои, помалку или повеќе, се застапени нежнорозовата и светлосината боја. Кроевите се романтични, со доработки со мониста аплицирани на венчаниците преку нова техника. Во втората потколекција доминираат елегантни бели венчаници, доработени со изобилство на 3Д цветови и со богати тантели. Се состои од 20 модели во различни кроеви: А-линија, принцес, права со висок шлиц, сирена и кратка. Материјали: свила, шифон, жоржет, француски тил, брокат, тантела.
Ова е втора колекција венчаници што ја работи дизајнерката под подбрендот "Антонија Ристовска брајд", кој го основаше лани, а е наменет за идните невести. (Л.С.)

Фото: Ани и Дими
Шминка и фризура: Студио "Даниел Николовски"

Сара и Ангелина грациозни невести

Манекенките Сара Цветанова и Ангелина Китановска преку кастинг се избрани за заштитни лица на колекцијата за невести "Пролетна роса".
"Млади се, убави и уште немажени. Ме пленат нивните грациозност, посебност, беа најпрефинети за мојот стил на венчаници", вели Ристовска.
И амбиентот за фотосесијата е внимателно избиран. На крајот изборот паднал на луксузниот хотел "Мериот" во Скопје.
"Ме воодушевија елеганцијата, големите прозорци на хотелот и секој уреден детаљ. Плус, хотелот е нов хит-избор за свадби и место од соништата за меден месец. Луксузот на амбиентот се вклопи и со луксузот на моите венчаници", објаснува Антонија.


Текстот е прочитан 5371 пати.
#

Електронско издание на Вест

Кликни за претплата

ДЕТАЛЕН ИЗВЕШТАЈ ОД СОБРАНИЕТО: НОВ ПРЕТСЕДАТЕЛ, ОБВИНУВАЊА ЗА ПУЧ, УПАД, МАСОВНА ТЕПАЧКА, РАСКРВАВЕНИ ГЛАВИ, ПОЛИЦИСКА АКЦИЈА, ОСУДИ И ОБВИНУВАЊА (ФОТО)
СДСМ и ДУИ вчера прескокнаа две точки од дневниот ред на конститутивната с...
ИЗЛОГ
Поглед
Пишува: Лејла САБИТ - Погледот, велат, е душата на човекот......

Во Франкфурт ќе се појави шестата генерација на "поло"
Септемврискиот Саем на автомобили во Франкфурт ќе му послужи на "Фолскваге...
"Пежо" ја одбележа титулата во женското рели со "208 блек едишн"
Одбележувајќи го освојувањето на титулата во ФИА рели шампионатот за жени,...

ОТВОРЕНО ЗА АУТИЗМОТ

 
    

Потпечени палачинки
Приготвување: пржените палачинки наредете ги во тавче. Ситно исечкајте ја ...
Site Meter