Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

07.01.2017, 19:47

Албанците во Македонија кажаа кои се нивните барања

ДУИ денеска соопшти дека претседателството на партијата во седиштето во Тетово ја усвоило заедничката платформа усогласена со Коалицијата „Преродба со БЕСА” и „Алијансата за Албанците”, која ќе биде нивна основа во преговорите за создавање на нова влада.

Во дистрибуираната заедничка изјава на трите албански парламентарни партии во Македонија се посочува дека поаѓаат од слободната и демократска волја на албанските гласачи изразена на предвремените парламентарни избори на 11 декември, духот на Охридскиот договор, просперитетот и долгорочната стабилност на Македонија и определбата без алтернатива, за интеграција во НАТО и во ЕУ.
Заедничката политичка агенда на трите партии предвидува реализација на повеќе цели, во идниот владин мандат и/или, како што наведуваат, во секој понатамошен мандат, меѓу кои постигнување целосна рамноправност во согласност со Охридскиот договор и Уставот, целосна јазична еднаквост, употребата на албанскиот јазик во сите нивоа на власта заедно со македонскиот јазик како официјални јазици во Република Македонија, постигнување економска рамноправност преку рамномерен регионален развој, како и решавање на спорот за името, во согласност со европските вредности и принципите на меѓународното право со вклучување на Албанците во работната група за директни преговори со Грција.
Во платформата се бара и создавање нов механизам во форма на Државна комисија за финансирање на општините, за донесување одлуки со право за владини грантови во корист на општините и создавање Министерство за политички систем и односи меѓу заедниците како надлежен орган за почитување на правата на заедниците и поттикнување на економскиот и социјалниот развој во неразвиените подрачја.
Меѓу точките од платформата се и остварување правична застапеност во органите за безбедност, војската, разузнавањето и правдата, во сите нивоа на централната власт, како и во јавните служби или претпријатија со јавни акции, зајакнување на владеењето на правото, како и поддршка за непристрасно вршење на работата на Специјалниот обвинител, добри односи со соседите и брза интеграција во НАТО и во Европската Унија
- Исполнувањето на горенаведените точки ќе го деблокира патот на Македонија кон целосна интеграција во НАТО и отворање на преговорите за членство во ЕУ, стои во заедничката изјава во која се наведува дека нивното исполнување ќе се следи преку организирање тркалезна маса на албанските парламентарни партии.


Текстот е прочитан 3359 пати.
#

Електронско издание на Вест

Кликни за претплата

Граѓаните бараат избори за излез од кризата - 57-ми ден протести на „За заедничка Македонија“ (Фотогалерија)
Граѓанската иницијатива ЗА ЗАЕДНИЧКА МАКЕДОНИЈА денеска по 57-ми пат од пр...
ИЗЛОГ
Брод
Пишува Лејла САБИТ - Има најубав поглед на свет......

Во Франкфурт ќе се појави шестата генерација на "поло"
Септемврискиот Саем на автомобили во Франкфурт ќе му послужи на "Фолскваге...
"Пежо" ја одбележа титулата во женското рели со "208 блек едишн"
Одбележувајќи го освојувањето на титулата во ФИА рели шампионатот за жени,...

ОТВОРЕНО ЗА АУТИЗМОТ

 
    

Потпечени палачинки
Приготвување: пржените палачинки наредете ги во тавче. Ситно исечкајте ја ...
Site Meter