Македонија Црна хроника Култура Живот Спорт Свет Скопје Здравје и убавина АВТОМОБИЛИ
Архива
БАРАЈ:
ОД
ДО

02.02.2017, 13:08

АКТЕРИТЕ ВАСИЛ ЗАФИРЧЕВ И ИГОР СТОЈЧЕВСКИ - ГЕЈ-ДВОЈКА ВО ХУМОРИСТИЧНАТА СЕРИЈА "ПРЕСПАВ"

На публиката и се допадна хуморот, а не сексуалната ориентација

Со македонската хумористична серија "Преспав", која неодамна заврши и се прикажуваше во ноќниот термин на ТВ "Телма" , Игор Стојчевски и Васил Зафирчев ги собраа симпатиите на публиката кога на крајот од серијата изненадија дека се во геј-врска.

Двајцата, Игор како Тони, еден од тројцата браќа и сопственик на пансионот "Преспав", и Васил како готвачот Марио од Хрватска успеаја со низа комични ситуации да ја насмеат публиката и да докажат дека се одлични карактери.
На прашањето како е да се игра улогата на геј, со тоа што се смета дека за прв пат во македонска серија актери играат геј-двојка, Игор Стојчевски вели:
"И јас и Зафирчев сме долгогодишни актери, дипломиравме во иста класа и се познаваме уште како студенти. Секако дека треба да ја одиграме улогата, каква и да е, онака како што сметаме дека е најдобро. Всушност, јас и во театарот сум играл геј-лик, во една претстава, па тоа на некој начин ми помогна да го одиграм и ова во серијата".
Стојчевски вели дека не знае дали ова е првата македонска серија во која актерите играат геј-двојка, но и да е така, вели тој, тоа е знак дека веќе општеството и сфаќањата на луѓето се менуваат.
"Ние сме актери и нема тука што да се дискутира. Играме улоги. Но, да бидам искрен, добро е што луѓето не се фокусираат на тоа кој каква сексуална определба има, туку на тоа што ние, како актери, успеавме да го генерираме сето ова низ комични ситуации, и да $ се допадне на публиката", вели познатиот актер.
Игор ни раскажа дека снимањето на "Преспав", иако напорно, поминало супер, пред сè, поради одличната соработка помеѓу целата екипа.
"Напорно е, затоа што секој ден добивавме ново сценарио, кое требаше да се научи и да се игра дента, но сето тоа беше голем предизвик, а ние соработуваме супер и серијата помина супер", вели Стојчевски.
Во текот на април, ќе се снима и втората сезона на "Преспав", која ќе има 40 епизоди. (А.Г.)


Текстот е прочитан 1932 пати.
#

Електронско издание на Вест

Кликни за претплата

Масовен марш и денеска „За заедничка Македонија“: Остануваме на улиците колку што е потребно! (ФОТО)
Сибир се стопи (Жешко фото)
Околу 1.500 вљубеници во зимските спортови во оскудна облека се собраа на ...
ИЗЛОГ
Поглед
Пишува: Лејла САБИТ - Погледот, велат, е душата на човекот......

Во Франкфурт ќе се појави шестата генерација на "поло"
Септемврискиот Саем на автомобили во Франкфурт ќе му послужи на "Фолскваге...
"Пежо" ја одбележа титулата во женското рели со "208 блек едишн"
Одбележувајќи го освојувањето на титулата во ФИА рели шампионатот за жени,...

ОТВОРЕНО ЗА АУТИЗМОТ

 
    

Потпечени палачинки
Приготвување: пржените палачинки наредете ги во тавче. Ситно исечкајте ја ...
Site Meter